Монгол Улсын Ерөнхийлөгч Х.Баттулгын зарлигаар өнөөдөр ЗХЖШ-ын бие бүрэлдэхүүнд цол олгосон. Энэ үеэр Чимэддоржийн Амарболдод 1996 оны наймдугаар сард олгосон генерал цолыг сэргээжээ. 

Тодруулбал, түүнийг долоодугаар сарын 1-ний үймээний үйл явдалд холбогдуулан буруутгаж цолыг нь хурааж, шүүхээс ял хүртэл оноож байсан билээ. 

Тэгвэл Ерөнхийлөгч Х.Баттулга цолыг нь сэргээхдээ "Монголын төр тусгай албан хаагчдаа үүрэг өгч, даалгавар өгчихөөд дараа нь үүрэг биелүүлснийх нь төлөө буруутгаж, цолыг нь хураадаг явдлыг ахин гаргахгүй байх нь зүйтэй юм. Дээд албан тушаалтнуудынхаа өгсөн тушаалыг гүйцэтгэснийнхээ төлөө хариуцлага, шийтгэл хүлээсэн дээр нь генерал цолыг хурааж давхар шийтгэсэн нь зохимжгүй шийдвэр байсан гэж үзэж байна. Зүй нь тушаал өгсөн дээд албан тушаалтан зохих хариуцлагаа хүлээх ёстой" гэсэн юм.

А.Сүх