УИХ-ын нэгдсэн чуулган эхэллээ. Хуралдаанаар шинээр сонгогдсон Ерөнхийлөгчийн бүрэн эрхийг хүлээн зөвшөөрөх хууль батлах тухай болон тангараг өргөх өдрийн товыг тогтох зэрэг асуудлыг хэлэлцэж байна.

СЕХ-ны дарга П.Дэлгэрнаран сонгуулийн нэгтгэсэн дүнг танилцуулж байна. Тэрбээр “Сонгуулийн ерөнхий хорооноос УОК, ЭМЯ, ОБЕГ болон бусад төрийн байгууллагатай хамтран коронавирусээс урьдчилан сэргийлэх түр журам гаргаж, хэрэгжилтийг хангах талаар олон талт шуурхай арга хэмжээ авч, хэрэгжүүлж ажиллалаа. Гадаад улсад суугаа иргэдээс санал авах ажлыг тавдугаар сарын 30, 31-ний өдрүүдэд зохион явуулсан.

Ерөнхийлөгчийн ээлжит сонгуулийг хуулийн дагуу шударга зохион байгуулахад хүчин зүтгэсэн нийт алба хаагчид гүн талархал илэрхийлье. Энэ удаагийн сонгуулийн үйл ажиллагааг дэлхий дахин анхааралтай ажиглаж, гаднын хэвлэлийн байгууллага сурвалжилсан” гэлээ.

Б.Лхам