ХӨСҮТ-ийн Ерөнхий захирал асан Д.Нямхүүгийн нэхэмжлэлтэй шүүх хурал өнөөдөрСүхбаатар дүүргийн Иргэний хэргийн анхан шатны шүүхэд боллоо.

Тодруулбал, тэрбээр Монгол Улсын Эрүүл мэндийн яаманд холбогдох ажилд эгүүлэн тогтоолгох, шүүхээр маргааныг шийдвэрлэх хүртэлх хугацааны цалинг гаргуулах, ажилгүй байсан хугацааг нийгмийн болон эрүүл мэндийн даатгалын шимтгэл төлснөөр тооцуулах тухай нэхэмжлэл гаргасан юм. 

Шүүхээс хариуцагч Монгол Улсын Эрүүл мэндийн яамны итгэмжлэгдсэн төлөөлөгчийн хүсэлт хэлэлцэх үе шатад гаргасан нотлох баримт гаргуулах тухай, өмгөөлөгчтэй шүүх хуралдаанд оролцож шүүх хуралдааныг хойшлуулах тухай хүсэлтүүдийг хангаж, шүүх хуралдааныг 2021 оны зургаадугаар сарын 22-ны өдрийн 16.00 цаг хүртэл хойшлуулжээ.