Коронавирус халдварын тархалтын талаар ХӨСҮТ-ийн захирал Л.Баттөр мэдээлэл өглөө.

Тэрбээр "ХӨСҮТ-ын болон ЭМЯ-ны дэргэдэх судлаачдын баг 6 сарын 15-нд халдварын тохиолдол буурах тооцолол хийсэн. Харамсалтай нь энэ тооцоолол зөрсөн. Үүнд хөдөлгөөний нөлөө, сонгуулийн үйл ажиллагаа, шагналын үйл ажиллагаа нөлөөлсөн. Нөгөөтээгүүр вакцины үр нөлөө байгаа юу гэж. Гуравдугаарт, вирусний мутаци ороод ирсэн юм биш биз гэдэг таамаглал байна. Монгол, Япон эрдэмтдийн судалгаагаар Уханьд анх үүссэнээс өөр мутацилагдсан халдвар байгааг илрүүлсэн. Зарим хүмүүс Их Британи халдвар гэдэг шиг Монгол мутацилагдсан халдвар бий болсон юм уу гээд байдаг. Тийм зүйл болоогүй. Ингээд дээрх гурван таамаглал бий. 

Сүүргийн дархлаа үүсэхэд вакцинд хамрагдах, хамрагдаагүй нь өвчлөх. Ингэж байж нийтийн дархлаа үүснэ.

Цаашид ямар мутацилагдсан вирус тархах нь тааварлашгүй. Хамгийн гол нь вакцин тариулсан үед мутацилагдсан вирус туслаа гэхэд хүндрэхгүй. Манай улсад одоогоор нийт хүн амын 51 орчим хувь нь дархлаажуулалтад хамрагдаад байна" гэлээ.

А.Сүх