Өршөөл үзүүлэх тухай хуулийг хэрэгжүүлж эхэлсэнтэй холбоотойгоор тээврийн хэрэгсэл жолоодох эрхээ хасуулсан жолооч нарын эрхийг сэргээж эхэлсэн тухай ЦЕГ-ын Бүртгэл хяналтын төвөөс нийтэд мэдээлсэн билээ. Тэгвэл жолоодох эрх сэргээх ажиллагааны хүрээнд улсын хэмжээнд тээврийн хэрэгсэл жолоодох эрхээ хасуулсан нийт 67481 жолоочоос 26950 иргэний жолоодох эрх сэргэхгүй буюу Өршөөл үзүүлэх тухай хуульд хамрагдахгүйгээр заажээ. Тодруулбал, эдгээр иргэний мэдээлэл нь Захиргааны хариуцлагын тухай, Замын хөдөлгөөний аюулгүй байдлын тухай хуулиар эрхийг нь хассан, Эрүүгийн хуулийн 27.10 дугаар зүйлээр эрхийг нь хассан, эрхийг нь хязгаарласан төлөвт байгаа аж.

Мөн бэлэн бус торгуулийн мэдээллийн санд Өршөөл үзүүлэх тухай хуулийн 8 дугаар зүйлийн 3 дахь хэсэгт торгох шийтгэлийн төлбөрийн 50 хувийг чөлөөлөхөөр заасан 2021 оны зургаадугаар сарын 24-ний өдрийн 24.00 цагаас өмнө төлбөрөө төлөөгүй нийт 2879186 удаагийн торгуулийн мэдээллээс тус хуулийн 10 дугаар зүйлийн нэгдэх хэсэгт заасны дагуу өршөөлд хамрагдахгүй 20611 удаагийн торгуулийн хассан байна.