БНСУ-ын Гадаадын иргэн харьяатын газраас 2021 оны долоодугаар сарын 19-нөөс 2021 оны есдүгээр сарын 30-ны хооронд хүчинтэй хугацаа дуусах цэнхэр паспорттой гадаад иргэдийн визийг автоматаар гурван сар сунгах болсон талаар мэдэгдэл гаргасан байна.
Хамрагдах хүрээ:
- 2021.07.19-2021.09.30 хооронд визийн хүчинтэй хугацаа дуусах хууль ёсоор оршин суугаа гадаад иргэн
- Долоодугаар сарын 19-ний өдрийн байдлаар БНСУ-д оршин суугаа гадаадын иргэн
Дараах тохиолдолд визийг сунгахгүй:
- Нутаг буцах хүсэлтээр түр хугацаагаар виз сунгуулж байгаа,
- Богино хугацааны виз, албадан гарах бичиг авсан
- E8 , E9, E10, G1, H2 визийн төрөл
- Онлайн болон иммигрэйшнд виз сунгах хүсэлтээ өгсөн
- Татвар, эрүүл мэндийн даатгал төлөөгүй
- Гэмт хэрэгт холбогдсон
Цэнхэр паспортод сунгасан тэмдэглэгээ хийхгүй бөгөөд “Covid-19”-ийн тархалтаас сэргийлж, визийн хугацааг сунгасан эсэхийг зөвхөн онлайнаар шалгах боломжтой.
Долоодугаар сарын 20-ны өдрөөс https://www.hikorea.go.kr/Main.pt вэб сайтын Expiry date and check хэсэг рүү орж, паспорт хувийн мэдээллээ оруулан сунгасан хугацааг шалгах боломжтой бөгөөд дэлгэрэнгүй мэдээллийг 1345 дугаараас лавлах боломжтой юм байна.
Сэтгэгдэл (1)