“Токио-2020” олимпийн наадамд олон орны тамирчид аюулт цар тахлын халдвар авснаас болж олимпод оролцох эрхгүй болж байна. Хамгийн анх Чилийн таеквондоч Ф.Агиррегийн коронавирусний хариу эерэг гарсан тул нутаг буцах болсон.
Дараа нь манай хойд их хөршийн усанд сэлэгч, 400 метрийн хувийн төрөлд энэ жил Европын аварга болсон Илья Бородины Токиог зорихоос өмнөх шинжилгээний хариу эерэг гарсан тул нутагтаа үлджээ. Тэрбээр энэ олимпоос медаль авах өндөр магадлалтай байв.
Сүүлийн үеийн мэдээгээр Их Британийн тавагт буудлагын тамирчин, дэлхийн чансааг тэргүүлэгч Амбер Хилл олимпийг өнжихөөр болсон байна.