Үндэсний их баяр наадмын "Би монгол хүн" тоглолтод дуучин Д.Бурмаа, Л.Банзрагч, А.Мөнхбат нарын уран бүтээл "Заллага" дууг УДБЭЧ-ын уран бүтээлчид дуулсан нь ардын дууч Д.Бурмаагийн бухимдлыг төрүүлжээ.

Тэрбээр "Зардалаа хэмнэхийн тулд хэнээр ч хэний ч дууг дуулуулж болдог гэж бодсон бололтой уучлаарай. Мэдээж үүрэг даалгаврын дагуу Чуулгын уран бүтээлчид дуулсныг буруутгахгүй ээ... Бид энэ дууг Н.Чулуунхүү гавъяатаас албан ёсны эрхтэйгээр дуулах эрхийг нь авч бидний дуулснаар ард түмэнд хүрсэн юм шүү. Бид ямар их хөдөлмөр хөлс хүчээ шингээж энэ уран бүтээлээ та бүхэнд хүргэснийг энэ шимэгчид хүндэтгэсэнгүй. Мэдээж бид 3-аар дуулуулах гэхээр бид ямар нэг улсын байгууллагад хамаарахгүй чөлөөт уран бүтээлчид учраас тодорхой хэмжээний цалин төлбөр нэхэх нь зүй ёсны хэрэг. Иймд номхон нохой ноолоход амар цалингаа аваад ажлаа хийдэг гарын дор өнөөх хэдийгээ л бас дахин ноолчихож. Хөгжмийн найруулга энэ тэр алахнээ. Аргацаана гэж л энэ байхдаа. Ийм бужигнасан замбраагүй бүдүүлэг юм хийчихээд энийгээ уран бүтээл гэж бодож байгаа бол андуураарай. Зардалаа хэмнэж засгийн мөнгө хуссан шимигчид ээ. Уран бүтээлч сэтгэлгээ, судалгаа, сэтгэл, бас мөнгө 3-г харамгүй шингээж байж Бидний дуулсан "Заллага "-шиг" Хит" дуу төрдөг юм шүү" хэмээлээ. 

Б.Баатар