“Токио-2020” зуны олимпийн наадам маргааш хөшгөө нээж, нөгөөдөр жүдо бөхийн хөнгөн жингийн эхэлнэ. Тэмцээнд 128 орны нийт 393 (201 эрэгтэй, 192 эмэгтэй) жүдоч барилдана. Эхний өдөр эмэгтэйчүүдийн 48 кг-ын жинд гавьяат тамирчин Мөнхбатын Уранцэцэг баг тамирчдынхаа салхийг хагалах юм.
Олон улсын жүдо бөхийн холбооноос өнөөдөр олимпод барилдах бөхчүүдийн жин жингийн сугалааг танилцууллаа. М.Уранцэцэг гавьяат эхний даваанд гоц мөргөсөн бөгөөд тун зөөлөн сугаласан байна. Тэр чансааны дөрөвт эрэмбэтэй юм.
Хоёрдугаар тойрогт ДАШТ-ий хүрэл медальт, Испанийн бөх Фигуера Жулиа, Чилийн тамирчин Вергас Лей Мэри Ди нарын ялсантай барилдах билээ. М.Уранцэцэг хэсгийн тэргүүн бөх болох боломж бий. Харин нөгөө хэсэгт Казахстаны нэр дээрээс барилдаж буй олимп, ДАШТ-ий хүрэл медальт Г.Отгонцэцэг маань дэлхийн дөрвөн удаагийн аварга Украины Дариа Билодид нар бүдүүн өвсөнд бүдэрчихгүй бол зооны аваргын төлөө хоорондоо хүч үзэхээр байна. Мөн нөгөө хэсгийн тэргүүн бөх, дэлхийн хошой аварга Фүна Тонаки торохгүй гарч ирэх боломжтой.
Б.Жаргал
Сэтгэгдэл (3)