Цагдаагийн хоёр алба хаагч иргэдийг эрүүдэн шүүж буй бичлэг цахим сүлжээнд өчигдөр тархсан. Үүнтэй холбогдуулан цагдаагийн байгууллага хойшлуулашгүй ажиллагаа явуулж тэдгээр алба хаагчдын гэм буруутайг тогтоож холбогдох байгууллага руу нь шилжүүлээд байна. Түүнчлэн дахин нэг цагдаа иргэнийг цохин газар гулдасхийн унагааж байгаа дүрс бүхий бичлэг өнөөдөр цацагдлаа. Тус бичлэгийн тайлбарт иргэн цагдаад цохиулаад газар дээрээ амь насаа алдсан гэх.

Иргэдийн зүгээс ёс зүйн доголдолтой, харгис цагдаа нарт хатуу хариуцлага тооцож байж бусдад нь сургамж болно гэж үзэж байгаа юм.

Тэгвэл дээрх асуудалтай холбогдуулан яг одоо Ерөнхий сайд Л.Оюун-Эрдэнэ тэргүүтэй МАН-ын удирдлагууд алба хаагчдаа “хүмүүжүүлж” чадаагүй цагдаагийн дарга нарт хариуцлага тооцохоор хуралдаж байгааг эх сурвалж хэллээ. 

А.Сүх