БАРИМТ 1
2003 оны 8-р сарын 12-ны өдөр дөнгөж 18 настай байхдаа Португалийн Спортинг Лисбон клубээс 12.24 сая еврогоор Английн алдарт Манчестер Юнайтед клубд нэгдсэн.
БАРИМТ 2
Тэрбээр Манчестер Юнайтед клубын түүхэн дэх анхны Португали тоглогч болж байсан.
БАРИМТ 3
2003 оны 12.24 сая евро гэх үнэ нь түүнийг тухайн үедээ Английн хөлбөмбөгийн түүхэн дэх хамгийн үнэтэй өсвөр насны тоглогч болгож байсан.
БАРИМТ 4
Анх Манчестер хотын багт нэгдээд 28 дугаарыг (Спортинг клубд эзэмшдэг байсан дугаар нь) авахыг хүссэн ч клубын зүгээс түүнд Дэвид Бекхэм, Эрик Кантона, Жорж Бест зэрэг домгуудын эзэмшдэг байсан 7 дугаарыг өгсөн.
БАРИМТ 5
Манчестерт өнгөрүүлсэн цаг хугацаандаа дэлхийн бүх цаг үеийн хамгийн шилдэг дасгалжуулагчдын нэг болох Сир Алекс Фергусоны удирдлага дор тоглож байсан бөгөөд хожим түүний тухай дурсахдаа “Тэр бол миний спортын амидралын аав минь” хэмээж байсан.
БАРИМТ 6
Премьер лигийн анхныхаа тоглолтод клубд нэгдсэнээсээ дөрвөн хоногийн дараа буюу 8-р сарын 16-нд Болтон Уондерерсын эсрэг оролцсон. Тус тоглолтод улаан чөтгөрүүд 4:0 харьцаатай ялалт байгуулсан ба Кристиано Роналдо сэлгээгээр талбайд орж ирсэн.
БАРИМТ 7
Харин Премьер лигийн анхныхаа гоолыг 11-р сарын 1-нд Портсмут клубийг 3:0-ээр хожсон тоглолтод чөлөөт цохилтоос оруулсан.
БАРИМТ 8
Мөн тус улирлын хаалтын тоглолтыг Астон Вилла клубийн эсрэг хийх үедээ Премьер лигийн анхныхаа улаан хуудсыг авч талбайгаас хөөгдсөн.
БАРИМТ 9
Английн лиг дэх эхний улирлаа Миллвалл клубийн эсрэг ФА капын финалд тоглосноор дуусгасан бөгөөд тэрээр тус тоглолтын нээлтийн гоолыг оруулсан бөгөөд Английн хөлбөмбөг дахь анхныхаа цомыг өрсөлдөгчөө 3:0 харьцаатай буулган авсанаар өргөсөн.
БАРИМТ 10
Манчестер Юнайтедын Премьер лиг дахь 1000 дахь гоолыг өөрийн нэр дээрээ бичүүлсэн.
БАРИМТ 11
2006-2007 оны улиралд анх удаагаа Английн лигт 20-иос олон тооны гоол оруулж мөн Премьер лигийн аварга болж чадсан.
БАРИМТ 12
Түүний энэхүү амжилтыг хамт бүтээлцсэн хүн бол Манчестер Юнайтедын 1-р багийн дасгалжуулагчдын нэг Рене Мёленстен байв. Тэд хувийн бэлтгэл их хийдэг байсан бөгөөд Роналдогийн багийн тоглолтыг сайжруулах, түүний тоглолтыг улам тааварлашгүй олон талт болгох, гоолын боломжийг хүлээн зогсохоос илүүтэйгээр өөрийг нь гоолын боломж үүсгэдэг нэгэн болгох зэрэг одоогийн Роналдогийн бусдаас ялгарах чадварууд дээр төвлөрөн ажилладаг байсан.
БАРИМТ 13
Мөн тус улиралдаа Премьер лигийн сарын шилдэг тоглогчийн шагналыг хоёр сар дараалан (11 болон 12-р сар) хүртсэн бөгөөд тус шагналыг дараалан авсан гурав дахь тоглогч болсон.
БАРИМТ 14
Аваргуудын лигийн анхныхаа гоолыг 2006-2007 оны улиралд Италын Рома клубийн эсрэг оруулж байсан бөгөөд өдгөө тус лигийн бүх цаг үеийн мэргэн бууч болоод байна.
БАРИМТ 15
Лигийн аварга болсон жилдээ түүний цалин долоо хоногийн 120,000 евро болж огцом өссөн. Мөн алтан бөмбөг буюу Баллон’Дор шагналын санал хураалтад Бразил тоглогч Какагийн ард бичигдэж байсан.
БАРИМТ 16
Манчестер Юнайтедын төлөө 2008 оны 1-р сарын 12-нд Ньюкасл Юнайтедын эсрэг анхныхаа хэт-трик буюу гурван гоолыг нэг тоглолтод оруулсан.
БАРИМТ 17
Харин тус оныхоо 3-р сарын 19-нд Болтоны эсрэг тоглолтод улаан чөтгөрүүдийн багийн ахлагчийн хувиар анх удаа талбайд гарсан.
БАРИМТ 18
Манчестерт байх хугацаандаа нутаг нэгт Луйс Нани болон адилхан Португали хэлээр ярьдаг Бразил тоглогч Андерсон нартай дотно нөхөрлөдөг байв.
БАРИМТ 19
2008 онд улаан чөтгөрүүдийн хамтаар аваргуудын лигт түрүүлсэн. Тус тоглолтод Челси клубийн эсрэг тоглолтыг тэнцүүлсэн гоолыг оруулж байв.
БАРИМТ 20
Тус улиралдаа 31 гоолтойгоор Премьер лигийн болон Европын лигүүдийн мэргэн бууч болсон. Ийнхүү амжилттай улирлыг Манчестерт өнгөрөөсний дараа Реал Мадрид руу явах хүсэлтээ клубийн удирдлагуудад мэдэгдсэн ч дахин нэг жил Англид үлдэхээр болсон.
БАРИМТ 21
2008-2009 оны эхлэлийг шагайны гэмтлээс болж өнжсөн бөгөөд арван долоо хоног талбайд гараагүй нь Манчестерт байх хугацаандаа ч бэртэл гэмтэлтэй нүүр тулж явсныг нь илтгэнэ.
БАРИМТ 22
Тус жилдээ Баллон’Дор шагналыг анх удаагаа хүртсэн бөгөөд Манчестер Юнайтедын Жорж Бестээс хойш тус шагналыг хүртсэн анхны тоглогч болсноос гадна ФИФА-ийн оны шилдэг тоглогч болсон анхны Премьер лигийн тамирчин болсон.
БАРИМТ 23
Манчестер Юнайтедын төлөө сүүлийн гоолоо Манчестер хотын дэрби тоглолтын үеэр оруулсан.
БАРИМТ 24
Кристиано Роналдо нь Англи дахь хугацаандаа улаан чөтгөрүүдийн хамтаар нийт есөн цомын эзэн болсон амжилттайгаар 2009 оны зун Испаний эзэн хааны баг Реал Мадридтай нэгдсэн.
Сэтгэгдэл (3)