Засгийн газрын нэр бүхий сайдыг огцруулна гэх мэдээлэл гараад буй. Тэгвэл Ерөнхий сайд Л.Оюун-Эрдэнэ үүнд тайлбар хийжээ. 

Тэрбээр “Засгийн газар сайд нар огцруулах асуудал огт ярихгүй. Мэргэжлийн сайд нарыг ажлыг нь хийлгэе. Одоо улс төржиж суух цаг биш. Хэрэв улс төр хийх гэж байгаа бол Ерөнхий сайд надтай шууд тул.

Ер нь үеийн үед Засгийн газрыг унагах, Засгийн газрын сайд нарыг огцруулах санаархал, оролдлого байсаар ирсэн.

Ийм оролдлого бүр оносон нь тун ховор. Монгол ардын нам яг энэ цаг үед ард түмнийхээ итгэлийг хүлээж төр, засгийн эрхийг бүрэн авч ажиллаж байна. Тиймээс бидэнд хийх зүйл их, алдах эрх байхгүй. Тэр тусмаа улс төржих цаг бүр ч байхгүй. Засаг төр тогтвортой байна гэдэгт та бүхэн итгээрэй”  хэмээжээ.

Б.Баатар