ЭШЛЭЛ 1
Ерөнхий сайд Л.Оюун-Эрдэнэ: Цар тахлын нөхцөл байдал хэр удаан үргэлжлэхийг бид мэдэхгүй. Дэлхийн улс орнууд эрүүл мэнд, эдийн засгийг хамтад нь анхаарах ёстой гэдэг агуулга руу явж байна.
ЭШЛЭЛ 2
Вакцинжуулалт 60 хувьд хүрсэн улс орнууд эдийн засгийн сэргэлтийн талаар ярьж эхлээд байна.
ЭШЛЭЛ 3
Дэлхий даяар тээвэр логистикийн үйл ажиллагаа удааширлаа. Үүнээс үүдээд манай гол экспортлогч оронтой хиллэж байгаа хуурай замаар хиллэж буй орнуудын ачаа, тээвэр удааширсан.
ЭШЛЭЛ 4
Дэлхийн эдийн засгийн дотоодын нийт бүтээгдэхүүн уналттай гарсан. Манай улсын хувьд ч амаргүй нөхцөлд байна. Хөдөлгөөний хязгаарлалтад орж, эдийн засаг агшсан.
ЭШЛЭЛ 5
Манай түүхий эдийн гол түүхий эд болох алт, зэс, төмрийн хүдэр зэрэг гол экспортын бүтээгдэхүүний үнэ өсөж, давуу байдал үүсгэсэн. Харин газрын тос болон шатахууны үнэ өссөн нь инфляц үүсгэж, сөрөг нөлөө үзүүлээд байгаа юм. Засгийн газраас хатуу хөл хорио тогтоож, 10 их наядын хөтөлбөр хэрэгжүүлсэн нь эдийн засагт тодорхой хэмжээний сэргэлт авч ирсэн. Гэхдээ энэ нь боломжит түвшнээс доогуур байгаа. Тиймээс эдийн засгийн засгаа сэргээх арга хэмжээгээ үргэлжлүүлэх нь зүйтэй.
ЭШЛЭЛ 6
Хүүхдийн мөнгийг бид одоо байгаагаар нь олгохгүй. Өртэй биш өвтэй монголыг бүтээх хэрэгтэй. Үндсэндээ бид хадгаламжтай монголыг бүтээх бодлогын шинэчлэл рүү цаг алдалгүй орох хэрэгтэй. Хүүхэд мөнгөө хуримтлуулж аваад, ирээдүйн өв сангийн данс бодитоор хэрэгждэг болох ёстой. Иргэн болгонд хүртээмжтэй байгалийн баялгийг хүртээж, халамжийн бодлогоос татгалзах шинэчлэл хийх хэрэгтэй.
ЭШЛЭЛ 7
Монголын Хүнсчдийн холбооны ерөнхийлөгч Д.Тэрбишдагва: Малын бэлчээр, тариалангийн талбайгаас хэрэглэгч хүртэлх оролцогч талуудтай манай холбоо уулзаж, саналаа нэгтгэсэн. Өнөөдөр хүнсний хангамжийн 45 хувийг импортоор авч байна. Хүнсний бие даасан байдал алдагдсан.
ЭШЛЭЛ 8
Бид хүнсний үйлдвэрлэл, цаашдын чиг хандлагаа тодорхой болгох ёстой. Энэ салбарт 580 мянган хүн ажиллаж байна. Худалдааны тухай хууль, Нэмэгдсэн өртгийн албан татварын тухай хуульд өөрчлөлт оруулах шаардлагатай байна.
ЭШЛЭЛ 9
Түүхий эд бэлтгэхэд гадна, дотнын зээл, тусламжаар дэмжвэл бид дотооддоо гурил, сүү, хүнсний ногоо, мах махан бүтээгдэхүүний хэрэгцээгээ 2030 он гэхэд 80-100 хувь хангаж чадна.
ЭШЛЭЛ 10
Шунхлай группийн Ерөнхийлөгч П.Батсайхан: Цар тахал бидний амьдралыг ихээхэн өөрчиллөө. Үүний дараа дэлхий хоёр хуваагдана. Нэг талаас цар тахлыг амжилттай даван туулсан улсууд, нөгөө талд тахлын өмнө сөхөрсөн, эдийн засаг нь туйлдсан орнууд байх болно.
ЭШЛЭЛ 11
Аливаа шинэчлэлийн 50 хувь нь удирдагчийн манлайллаас шууд хамаардаг. Үүнийг төр хэвийн хэвшил хамтдаа хийх ёстой. Энэ эгзэгтэй үед тэсэж үлдэх нь Засгийн газар , УИХ-ын гишүүдийн алсын хараа, манлайллаас шууд хамаарна.
ЭШЛЭЛ 12
Бид мэргэжлийн амбийц гарган, хүнд суртал үзүүлж, нутаг усны талцалд хуваагдах нь хөгжлийн хамгийн том чөдөр тушаа болж байв. Үүнийг бид нэн шинэ түүхээсээ харж болно.
ЭШЛЭЛ 13
Богино хугацааны нэр төр хөөцөлдөн шийдвэр гаргаад, шийдвэрээ буцаах замаар ажиллаж байна. Нийгмийн сүлжээнд цөөн хүн иргэдийг удирдаж байна. Тэдний үзэл санааг олонхынх гэж андуурч байна.
ЭШЛЭЛ 14
Эдийн засгийн хамгийн хүнд ачааг хувийн хэвшил үүрч ирлээ. Цаашдаа ч үүрэх ёстой гэдгээ ухамсарлаж байна. Яг одоо төр хувийн хэвшлийн хамтын ажиллагаа ус агаар мэт хэрэгтэй байна.
ЭШЛЭЛ 15
УИХ, Засгийн газрын гишүүд ээ, та бүхэн иргэний манлайлал үзүүлж, шинэ хэв маягт дасан зохицох нөхцөлийг бий болгохоос өөр арга зам байхгүй. Шинэ аргыг эрэлхийлэх боломж бидний өмнө байна. Та бүхний манлайлал дор төртэй хамтран ажиллахад бид бэлэн байна. Бидэнд цаг алдах алдах эрх байхгүй.
ЭШЛЭЛ 16
“Буян” компанийн Б.Жаргалсайхан: Улс орон даяар архидан согтуурч байна. Ажил хийх хүн алга. Архины онцгой албан татвар ХБНГУ-д л гэхэд манайхаас хэд дахин их. Хотод ч, хөдөөд ч согтуу хүмүүс. Уулын аман дахь амралтын гаруудаар дүүрэн согтуу хүмүүс байна. Төр засаг үүнд анхаараач ээ. 800 жилийн өмнө Монголчууд бид тарваган тахлаас амжилттай гарсан туршлага бий. УИХ-ын дарга Спиртийн татварын хуулийг яаралтай батлах хэрэгтэй.
ЭШЛЭЛ 17
Улсын төсөв бол нэг тогоо. Гэтэл энэ улсад ээж л ганцаараа хоол бэлддэг, ажил хийдэг. Аймгуудын Засаг дарга нар орон нутгийн төсвийнхөө 50 хувийг өөрсдөө бүрдүүлэх цаг боллоо. Тэд хэзээ болтол улсын төсвөөс татаас авч амьдрах юм бэ? Тэгсэн атлаа улс орны хөгжилд хувь нэмэр оруулахгүй байна.
ЭШЛЭЛ 18
Тээврийн улмаас юмны үнэ их өслөө. Эндээс түүхий эд ачсан галт тэргүүд буцахдаа хоосон ирдэг. Үүнийг хориглох хэрэгтэй.
ЭШЛЭЛ 19
Гашуунсухайтад нарийн хоолойгоор бараа гарч байна. Энэ боомтод чөлөөт бүс байгуулбал нүүрсний экспорт өснө. Машинаа нэмээд ч нүүрсний гаргалт өссөнгүй.
ЭШЛЭЛ 20
ОХУ манайд 40-60 хувийн худалдааны татвар тавьсан. Худалдааны яамыг хурдан байгуулах хэрэгтэй. Япон Улстай чөлөөт худалдааны гэрээ байгуулсан ч тэд бидэнд хуучин машинаа борлуулдаг нь бидэнд алдагдалтай. Тяньжинд гацсан чингэлгийн 60 хувь нь машинууд байна. Машиныг нь авсан болохоор сэлбэг хэрэгслээ бас худалддаг. Яагаад Япончууд манай улсад шинэ технологи нэвтрүүлсэнгүй вэ, шинэ үйлдвэр барьсангүй.
ЭШЛЭЛ 21
Бензинээс онцгой албан татвараа эргүүлж авдаг болъё. Манайх шиг татваргүй улс алга. Жорлондоо орох гэж шахуу машин барьж байна. Ордныг тойроод битүү приус. Хаашаа ч явах гэхээр явж болдоггүй, ажил хийж болохгүй байна. Зунжин хөдөө яваад, намар бөөн хурал хийдэг амьдралын энэ хэмнэлээ өөрчлөх цаг боллоо.
ЭШЛЭЛ 22
МСS группийн Ерөнхийлөгч Ж.Оджаргал: Манай эдийн засаг зэс, алт, нүүрс, цайрын орлогоос бүрддэг. Зэс, алт нийлээд 2 тэрбум ам.долларын экспорт хийдэг.
ЭШЛЭЛ 23
Зүүн баяны төмөр зам ашиглалтад орвол төмрийн хүдрийн борлуулалт өснө. Нүүрсний тухайд өнөөдөр 2 тэрбум ам.долларын орлого авчирдаг. Одоо нүүрсний үнэ оргил үедээ байна.
ЭШЛЭЛ 24
Гашуунсухайт, Шивээ хүрэнгийн хилийн боомтын терминалыг яаралтай ашиглалтад оруулах шаардлага бий. Худалдааны санхүүжилтийн хэрэгслийг хурдан шийдвэл том төслүүдэд Засгийн газрын баталгаа чухал үүрэгтэй. Төр хувийн хэвшил хамтран ажиллах гэж байгаа бол Хөгжлийн банк, Засгийн газрын баталгаа эерэг нөлөө үзүүлдэг.
Сэтгэгдэл (2)