Одоогоос долоо хоногийн өмнө ХЗДХ-ийн сайд Х.Нямбаатар Монгол Боксын холбоог тэргүүлж эхэлсэн. Тэрбээр ажлаа авснаасаа хойш нэлээд шүүмжлэл хүртээд байна. Тодруулбал, МУГТ Э.Цэндбаатарыг боксын холбооноос хасаж, тэмцээний эрх олгоогүй нь хууль бус үйлдэл гэж иргэд үзэж буй.

Тэгвэл уг асуудлаар тэрбээр “Энэ сарын 5-нд Монголын боксын холбооны Бага хурал хуралдсан. Хуралдаанаар намайг холбооны ерөнхийлөгчөөр томилсон. Ингээд Элит зочид буудалд 130 хүн хоол идээд тарсан. Улмаар тухайн шөнийн 02.30 цаг цагдаагийн байгууллагад дуудлага ирсэн байна лээ.

Тухайн үед хүмүүс архи уусан, хоорондоо зодолдсон байдалтай байсан.

Цагдаагийн байгууллагаас зөрчил гаргасан этгээдүүдийг саатуулж, шалгаж байгаа гэсэн мэдээлэлтэй байна. Улаан бал нэвтрүүлгийн шторк дээр би архи уулгаад зодоон хийлгэсэн ташаа эвлүүлэг хийсэн байна лээ. Тийм үйл явдал болоогүй. Нэвтрүүлгээ олонд хүргэхийн тулд монтажилж сэвсэн байна гэж харж байгаа.

Холбооны удирдах зөвлөл 19 гишүүнтэй. Би энэ холбоог удирдаад 8 хонож байна. Э.Цэндбаатартай холбоотой удаа дараагийн сануулах, анхааруулах асуудал яригдаж байсан байна лээ. Тухайлбал, Найрамдал зусланд болсон Улсын шигшээ багийн цугларалтыг шөнө нь хаяад явсан, ковид-ын үеийн журам зөрчсөн. Өнгөрсөн жил нүцгэлж, сэтгэцэд нөлөөт бодис хэрэглэсэн. Үүний өмнө Хандгайтын цуглааныг тасалж, зодоон хийсэн зэрэг таван удаагийн зөрчил байсан.

Улмаар бусад баг, тамирчид буруу үлгэр дуурайл үзүүлж байна гэж үзсэн. Шигшээ баг татвар төлөгчдийн мөнгөөр цалинждаг. Сахилга баттай байх ёстой гэдэг үүднээс Удирдах зөвлөлтэй санал нийлж тухайн шийдвэрийг гаргасан.

Тухайн үед шигшээ баг юм уу боксын спортоор хичээллээж байгаа тамирчин Э.Цэндбаатараас өөр нэг ч хүн байгаагүй. Бусад нь бүгд зодог тайлсан байсан хүмүүс гэсэн мэдээлэл өгсөн. Э.Цэндбаатарт гаргасан шийдвэр зөв гэдэгт одоо ч итгэл дүүрэн байна. Учир нь спорт сахилга баттай бах ёстой. Хэрвээ Ч.Лодойсамбууг хүсвэл түүнийг Монголын боксын холбооны ерөнхийлөгч болгоход бэлэн байна" гэлээ. 

А.Сүх