АМГТГ-ын газраас шатахууны хомсдол үүссэн гэх мэдээллийн талаар тайлбар өглөө.

АМГТГ-ын Газрын тосны асуудал хариуцсан орлогч дарга Ц.Эрдэнэбаяр “Одоогоор шатахууны хомсдол бий болоогүй. Газрын тосны бүтээгдэхүүний 28 хоногийн нөөцтэй байна. Түүнчлэн шатахууны үнэ нэмэгдэх ямар ч үндэслэл байхгүй. Дэлхийд цар тахалтай холбоотойгоор улс орнуудын бодлого савалгаатай, тогтворгүй нөхцөл байдалтай байна. Үүнтэй холбоотойгоор газрын тосны нийлүүлэлт удааширч байна.

Тодорхой хэмжээгээр нөөцийн хоног багассан ч хомсдол бий болоогүй.

Дэлхийн зах зээл дээр нэг баррель нефтийн үнэ 73 ам.доллар байсан нь өнгөрсөн долоо хоногт 65 ам.долларт болж бага хэмжээгээр буурсан ч буцаад нэмэгдсэн. Энэ оны төгсгөлд нефтийн үнэ 100 ам.долларт хүрч болзошгүй байна" гэлээ. 

А.Сүх