Засгийн газрын хуралдаанаас гарсан шийдвэрийн талаар Сангийн сайд Б.Жавхлан танилцууллаа.

Тэрбээр “Засгийн газар шилжих төсвийн хөрөнгө оруулалтыг аль болох хурдан дуусгах, харин шинэ хөрөнгө оруулалтуудад онцгой анхаарах ялангуяа, эдийн засаг, менежментийг дэмжихэд төсвийг чиглүүлнэ.

Хог, цахилгаан, дулааны үнэ ирэх оны нэгдүгээр сарын 1-ээс үндсэн тарифараа явна.

Харин хүүхдийн мөнгийг ковид-ын өмнөх үеийн 20 мянган төгрөгөөр олгохоор Төсвийн хүрээний мэдэгдэлдээ батлуулсан ч нөхцөл байдалтай уялдан 100 мянган төгрөгөөр үргэлжлүүлэн олгож байна. Хүүхдийн мөнгийг хуримтлуулах, энэ нь дэвтэр дээр бичигдэх биш “Ирээдүй өв сан”-гаар баталгаажсан байх, дутагдалд орох үед 50 орчим хувийг нь авч болдог байх бодлого руу шилжинэ.

Ирэх оноос эхлэн хүүхдийн мөнгийг 100 мянгаас шууд 20 мянган төгрөг рүү шилжүүлэх биш аажмаар буулгах талаар ярьж байна.

Хүүхдүүд зургаан наснаасаа эхлэн хүүхдийн мөнгөө хуримтлал болговол 18 нас хүрээд 19-20 сая төгрөгтэй болох юм.

А.Сүх