Сэлэнгэ аймагт шүлхий өвчнөөр 79 толгой мал өвчилжээ. Тус аймгийн Мандал суманд халдвар бүртгэгдэж, шүлхий өвчний вакцинжуулалт хийж эхэлсэн байна. Ойролцоох сумдад халдвар тархаагүй бөгөөд одоогоор Мандал сумын нийт малын 62 хувийг вакцинжуулаад байна. Халдварын голомтыг тогтоохоор ажиллаж байна гэж Сэлэнгэ аймгийн мал эмнэлгийн газраас мэдээллээ.

Шүлхий өвчний нууц үе 3-14 хоног байдаг. Шүлхийгээр өвчилсөн мал, амьтны төрөл, нас, үүлдэр зэргээс хамаарч харилцан адилгүй шинж тэмдэг илэрдэг байна.