Одоогоос гуравхан хоногийн өмнө АМГТГ-ын Газрын тосны асуудал хариуцсан орлогч дарга Ц.Эрдэнэбаяр шатахууны хомсдол үүсээгүй, жижиглэнгээр шатахуун борлуулагчид ч үнээ нэмэх ямар ч үндэс байхгүй. Учир нь дэлхийн зах зээл дээр шатахууны үнэ тодорхой хэмжээгээр буусан. Гэвч энэ оны сүүлээр нэг баррель нефтийн үнэ 100 ам.долларт хүрч болзошгүй хэмээн мэдэгдсэн. 

Гэвч өнөөдрөөс эхлэн зарим шатахуун түгээх станциуд АИ-95 шатахуунаа 100 төгрөгөөр нэмэгдүүлж, 2550-2650 төгрөг боллоо.  

Өнгөрсөн долоодугаар сард шатахууны 600 төгрөгөөр огцом нэмэгдсэн. Энэ үед ААН-үүдтэй тохиролцож үнийг 100 төгрөгөөр буулгахаар болсон ч тэд удаан хугацаанд ашиггүй ажилласан зэргээр гоншигносоор үнээ буулгаагүй. Гэтэл дэлхийн зах зээл дээр нефтийн ханш буусан гэх мөртлөө жижиглэнгийн үнээ нэмчихлээ. Төрийн бодлогыг сөрж ажилладаг шатахуун борлуулагчдыг яах вэ. 

Цар тахлын үетэй холбогдуулан нефтийн ханш огцом буурахад манай улсад шатахууны үнэ хэдэн сарын дараа хэлж ам болж байж буурлаа. Энэ ААН-үүддээ ямар арга хэмжээ авах вэ ШӨХТГ, АМГТГ-ынхаан.

А.Сүх