Хэнтий аймаг, Сонгинохайрхан дүүрэгт явагдах нөхөн сонгуульд нэр дэвшигчдийн мөрийн хөтөлбөр, хандивын тайлан олон нийтэд ил боллоо. Тодруулбал, Төрийн аудитын байгууллага УИХ-ын сонгуулийн 18, 28 дугаар тойрогт явагдах УИХ-ын гишүүний нөхөн сонгуульд нэр дэвшигчдийн мөрийн хөтөлбөр, хандивын тайланг олон нийтэд нээлттэй мэдээлэв.

Тус мэдээллээс харвал, нөхөн сонгуульд өрсөлдөх нам, эвсэл, бие даагчдаас таван нам, эвсэлд хандив цугласан байна. Тодотговол, Монгол ардын нам хоёр тэрбум таван зуун долоон сая долоон зуун дөчин мянган төгрөгийн хандив хүлээн авсан байна. 

Харин Ардчилсан нам арван мянган төгрөгийн хандив хүлээн авчээ. Мөн Шударга иргэдийн нэгдсэн эвсэлд, хорин хоёр сая найман зуун найман мянга дөрвөн зуун ерэн есөн төгрөг, Ард түмний олонхийн засаглал намд тавин мянган төгрөг, Хөдөлмөрийн үндэсний намд далан гурван сая хоёр зуун арван зургаан мянга төгрөгийн хандив цугласан байна.

Б.Баатар