Бельги улсад дугуйн спортын бөөн гараатай уралдааны ДАШТ энэ сарын 26-нд эхлэх бөгөөд манай улсаас С.Жамбалжамц өрсөлдөхөөр алсын Бельги улсыг зорив. Энэ удаагийн гараанд уралдах дугуйчид Бельгийн Антверпен хотоос нийт 268 км замыг туулах юм. С.Жамбалжамц нь Малайзын “Terengganu” багийн нэр дээрээс уралддаг бөгөөд Ази тивдээ чансаагаар гуравдугаар байрт жагсаж байна.