УИХ-ын нэгдсэн чуулганаар Хөрөнгө оруулалтын тухай хуульд өөрчлөлт оруулах тухай хуулийн төслийг хэлэлцэх эсэхийг хэлэлцэж байна.  Энэ үеэр гишүүд хуулийн төсөл боловсруулагчдаас асуулт асуусныг тоймлон хүргэе.

Энэ үеэр УИХ-ын гишүүн Н.Алтанхуяг “Гадаадын хөрөнгө оруулалтын босгыг 50 мянган ам.доллар болгож буурууллаа гээд маргаашаас хөрөнгө оруулалт орж ирнэ гээд горьдоод хэрэггүй. Ямар ч логикгүй. Анализ хийж үзэх ёстой.

Нийт хэдэн тэрбум ам.доллар нь яагаад багассан юм. аль салбар нь багасаад байгаа юм зэргээр. Цээжээр хэлэхэд уул уурхай л байгаа шүү дээ. Шүлсээ үсэргээд эдийн засаг, хэдэн арван доллар яриад байдаг. Хамгийн гол нь хээл хахуулиа боль. Чадахгүй бол багасга.

Ерөнхийлөгчийнхөө хэлсэн байгалийн баялагтаа монгол хүн эзэн болно гэж баахан димий юм ярьсан. Үүнийгээ ажил хэрэг болго.

Тэрийгээ марчихаад нэг тэрбум мод тарина гээд. Ийм эргүү солиотой юм ярьж байгаа улсад хэн хөрөнгө оруулах юм.

Миний оруулсан хөрөнгө оруулалыг мод руу оруулчихна гэж бодно. Дээр нь юун дээр гадаадын хөрөнгө оруулалт оруулахаа ярих ёстой. Монголчуудаа эхлээд дэмжээч ээ. Өөрийнхөө хэдийг мартаад, өрөөлийг дэмжинэ гээд байх юм.

Гаднын дэлгүүр 00.00 цагт, монголын дэлгүүр 22.00 цагт хаадаг. Ийм байж болох уу. ТҮЦ-тэйгээ байлдаад байдаг. Бид тэнгэрийн юм яриад байдаг. Иргэдээ харж үз, амьжиргааг нь дэмж. Өвөл болохоор хүйтэрдэг. Түлшээ бэлд. Өнөөдөр маргаашийнхаа амьдрал руу орж та бүхэн юм хий л дээ. Хүчээ нэгтгээд алаад өгье гээд байсан чинь хаана байна” хэмээн эрх баригчдад хатуухан анхааруулсан юм.

А.Сүх