Сүхбаатар дүүргийн Эрүүгийн хэргийн анхан шатны шүүхийн Ерөнхий шүүгчид прокуророос гомдол гаргажээ. Гомдлыг шүүх хурлаар авч хэлэлцээд Д.Монголхүүг 30 хоног баривчлах шийдвэр гаргасан байна.

Нийслэлийн прокурорын газраас эрүүгийн хэрэг үүсгэж, яллагдагчаар татагдсан Д.Монголхүүг цагдан хорих санал ирүүлснийг шүүх өчигдөр (2021.10.06) хэлэлцсэн. Улмаар шүүх хэрэгт авагдсан баримттай танилцахад "Эүүгийн хэрэг хянан шийдвэрлэх ажиллагаанаас оргон зайлахыг завдсан” гэх үндэслэл тогтоогдохгүй байна гэсэн үндэслэлээр прокурорын саналыг хүлээн авахаас татгалзаж, Д.Монголхүүг нэн даруй суллахаар болсон билээ.

Харин Прокуророос өнөөдөр Ерөнхий шүүгчид гаргасан гомдлын дагуу шүүх хурал хэлэлцээд Д.Монголхүүг 30 хоног саатуулахаар болсон байна.