Эрэн сурвалжлах сэтгүүлчдийн олон улсын консерциум (ICIJ) байгууллага аравдугаар сарын 3-ны ням гаригийн орой Pandora Papers” хэмээх баримт дэлгэж дэлхийн 330 гаруй улстөрч, тэрбумтан, урлаг спортын алдартнуудын нууц хөрөнгийг л болгосон билээ.

Оффшор бүсэд нуусан, татвараас зайлсхийсэн хөрөнгө нь ил болсон улстөрчдийн дотор Монгол Улсын Ерөнхий сайд асан Ч.Сайханбилэг багтсан гэх мэдээлэл гараад буй.

Олон улсын эрэн сурвалжлах сэтгүүлчдийн консерциум Ч.Сайханбилэгийг Монгол дахь зэсийн үйлдвэр “Эрдэнэт”-ийн 49 хувийн арилжаанд оролцож, Монголын зэс корпорацид УИХ-ын шийдвэргүйгээр авах давуу эрхийг гаргаж байсан асуудлыг хөндсөн байна.

Тэгвэл энэ нь худал мэдээлэл болохыг Ч.Сайханбилэг өөрийн цахим хуудсаараа дамжуулан мэдээлжээ. Тэрбээр "Хамаг хог новшоо чихдэг Тампуу гэж андуурлаа юу. Хамгийн хэцүү үед хамгийн хэрэг болсон төслүүдийг шийдсэний шагналд "Овт шар" болгох санаатай. Тэр оффшордоо миний компани, хөрөнгө олчихсон юм бол үнэгүй, шууд аваарай" хэмээсэн байна. 

Б.Баатар