УИХ-ын нөхөн сонгуулийн санал хураалт өчигдөр явагдсан ч сонгогчдын ирц хүрээгүй нэмэлт санал хураалт явуулахаар болоод буй. Харин ирц хүрээгүй сонгуулийн дүнгээс үзэхэд МАН аль, аль тойрогт давуу санал авсан. Тэгвэл энэ нь бусад улс төрийн хүчнүүдэд нэгийг бодогдуулжээ.

Нийслэлийн Ардчилсан намын ерөнхий нарийн бичгийн дарга Ц.Баатархүү сөрөг хүчний нэгдэл байгуулж, нэг намын тогтолцооноос улсаа аврахыг уриалав.

Тэрбээр Ерөнхийлөгчийн сонгуульд ХҮН-аас нэр дэвшсэн Д.Энхбатын "Ардчилсан нам буруугаа бусдаас (ХҮН-ээс гэх мэт) хайсаар байвал мөд сэхэхгүй нь гэсэн үг. Харин өөрсдийн талаар эрүүл, зоригтой дүгнэлт хийж чадвал гарц, шийдлээ гарцаагүй олж харах л байх” гэх байр суурьт дараах тайлбарыг өгсөн байна. 

Ардчилсан намын ерөнхий нарийн бичгийн дарга Ц.Баатархүү "АН, ХҮН өрсөлдөгч биш. Хэн нь дээр доор байх сонин биш. Эцсийн дүндээ хоёулаа л ялагдаж байна. Сөрөг хүчний нэгдэл байгуулах ёстой. Нэг намын тогтолцооноос улсаа аварцгаая" хэмээжээ. 

Б.Баатар