Нийслэлийн зам тээврийн асуудал хариуцсан орлогч Б.Одсүрэн хүний эрхийн мэдрэмжгүй гэдгээ харуулж, нэг хэсэг олны шүүмжлэлд өртсөн. Тэгвэл энэ удаад Нийслэлийн Хот байгуулалтын асуудал хариуцсан төслүүдийн удирдагч Б.Сүхбаатар албан өрөөндөө хагас шил архи хадгалж байсан гэх бичлэг олон нийтийн сүлжээнд тархаад байна. Энэ нь түүнийг албан өрөөндөө архидан согтуурдаг байж болзошгүй гэх хардлагыг төрүүлээд байгаа юм. 

Тэгвэл үүнд Нийслэлийн Засаг даргын хэвлэл мэдээллийн төлөөлөгч Н.Сугар тайлбар хийжээ. Тэрбээр "Б.Сүхбаатар орлогч жил гаруй хугацаанд нойр булчирхайн хүн өвчинтэй тэмцэж яваа хүн. Энэ өвчинд архи уух битгий хэл хамаагүй хоол унд идэж ч болдоггүй. Хаа явсан газраа аравнайлсан рашаан байнга байлгадаг болсон юм билээ. 

Архидан согтуурах зорилгогүй байсан гэдгийг л тайлбарлалаа. Тэрнээс ус болсон гээгүй шүү. Бас нойр булчирхайн өвчтэй хүн архи ууж болдог эсэхийг эмч нараас асууна биз дээ" гэжээ. 

Албан өрөөндөө согтууруулах ундаа хадгалж байсан гэх Б.Сүхбаатар гэж хэн бэ 

Б.Сүхбаатарын товч намтар:

БОЛОВСРОЛ:
1998-2002 онд Аялал жуулчлалын удирдлагын дээд сургуулийг Аялал жуулчлалын менежмент
2007-2008 онд Удирдлагын академийг Бизнесийн удирдлагын магистр
2012-2014 онд Удирдлагын академийг Төрийн удирдлагын магистр

ЭРДМИЙН ЗЭРЭГ ЦОЛ:
Бизнесийн удирдлага болон Төрийн удирдлагын магистр

АЖИЛ ЭРХЛЭЛТ:
2002-2009 онд “Суман гүн трейд” ХХК-ийн захирал
2009-2010 онд “Үндэсний цэцэрлэгт хүрээлэн” ОНӨҮГ-ын Маркетинг, хөрөнгө оруулалт хариуцсан ажлын хэсгийн ахлагч
2009-2012 онд “Улаанбаатар бизнес хөгжлийн төв” НӨҮГ-ын дэд захирал
2012-2014 онд TV10 телевизийн захирал
2014 онд “Эрүүл хүнс” ХХК-ийн захирал
2017-2020 онд “Нийслэлийн орон сууцны корцораци” ХК-ийн Гүйцэтгэх захирал
2020 оноос Нийслэлийн Хот байгуулалтын асуудал хариуцсан төслүүдийн удирдагч  

СОНГУУЛЬТ АЖИЛ:
2008-2012 онд Баянзүрх дүүргийн 24-р хорооны Иргэдийн нийтийн хурлын дарга
2008-2012 онд Баянзүрх дүүргийн Иргэдийн төлөөлөгчдийн хурлын төлөөлөгч
2009-2014 онд Говь-Алтай аймгийн Ирээдүй Алтай залуучуудын холбооны Тэргүүн
2012-2016 онд Баянзүрх дүүргийн ИТХ-ын төлөөлөгч, МАН-ын бүлгийн дарга
2016-2020 онд Нийслэлийн ИТХ-ын төлөөлөгч
2016-2020 онд Нийслэлийн ИТХ-ын Өргөдлийн хорооны дарга  
2017-2018 онд Нийслэлийн ИТХ-ын Тэргүүлэгч
2020 онд МАН-аас нэр дэвшиж, Нийслэлийн иргэдийн төлөөлөгчдийн хурлын төлөөлөгчөөр сонгогдсон

ГАВЬЯА ШАГНАЛ:
•    2009 онд Нийслэлийн 370 жилийн ойн медаль
•    2012 онд Худалдаа, үйлдвэрийн тэргүүний ажилтан
•    2014 онд Нийслэлийн 375 жилийн ойн медаль
•    2017 онд Нийслэлийн тэргүүний ажилтан
•    2019 онд Нийслэлийн 380 жилийн ойн медаль
•    2019 онд Алтан гадас одон

Б.Баатар