Нийт шүүгчийн анхдугаар чуулганаар Сахилгын хорооны шүүгч гишүүдийг сонгожээ.

Тодотговол, Улсын дээд шүүхийн шүүгч Готовдоржийн Цагаанцоож, Захиргааны хэргийн давж заалдах шатны шүүхийн шүүгч Очирбатын Номуулин,  Нийслэлийн Иргэний хэргийн давж заалдах шатны шүүхийн шүүгч Сономдовчингийн Энхтөр, Өвөрхангай аймаг дахь Захиргааны хэргийн анхан шатны шүүхийн Ерөнхий шүүгч Баясахын Сугар нарыг Сахилгын хорооны шүүгч гишүүнээр сонгож, Нийт шүүгчийн чуулганы хуралдааны тогтоолыг баталсан байна. 

Сахилгын хороо нь есөн гишүүнтэй байх бөгөөд таван гишүүнийг УИХ-аар, дөрвөн гишүүнийг нийт шүүгчдийн хуралдаанаар нууц санал хураалтаар сонгохоор хуульчилсан байна. Сахилгын хорооны гишүүн нь төрийн өндөр албан тушаалын VI зэрэг зиндаанд зургаан жилээр ажиллах орон тооны албан тушаал аж.

Сахилгын хороо нь хуульд заасан үндэслэл, журмын дагуу шүүгчийг албан тушаалаас нь түдгэлзүүлэх, огцруулах болон сахилгын бусад шийтгэл ногдуулах чиг үүрэгтэй бөгөөд Сахилгын хорооны мэргэжлийн өндөр түвшний, хараат бус үйл ажиллагаа нь шүүхийн шударга, хараат бус байдлыг бэхжүүлэхэд нэн чухал юм.

Тэгвэл Сахилгын хорооны шүүгч гишүүнээр сонгогдсон шүүгч нарын танилцуулгыг хүргэж байна. 

Б.Баатар