Иргэдэд төрийн үйл ажиллагааг шүүмжлэх эрх бий. Үндсэн хуульд зааснаар үг хэлэх, хэвлэн нийтлэх, үзэл бодлоо чөлөөтэй илэрхийлэх, жагсаал цуглаан зохион байгуулах эрхтэй. Гэхдээ ХҮН байхаа мартаж болохгүй. Хүний зурган дээр гишгэлэх хүртлээ хүн чанараа гээж болохгүй.

Тодруулбал, УИХ-ын гишүүн Х.Ганхуяг, Ч.Өнөрболор, П.Анужин, Х.Булгантуяа нарын гишүүдийн өргөн барьсан Хөрөнгө оруулалтын хуулийн төсөл иргэдийн хүчтэй эсэргүүцэлтэй тулгарсан.

Учир нь тус хуулийн нэмэлт, өөрчлөлтийн 12.5-д Монгол Улсад хөрөнгө оруулалт хийсэн гадаадын хөрөнгө оруулагч түүнд зорчих олон удаагийн визийг холбогдох хууль тогтоомжийн дагуу олгох, 12.1.6-д гадаадын хөрөнгө оруулагч түүний гэр бүлд Монгол Улсад хувийн хэргээр оршин суух хүсэлт гаргасан тохиолдолд 50 мянган ам.доллар буюу түүнтэй тэнцэх хэмжээний хөрөнгийг оруулсныг үндэслэн олгох гэсэн зүйл заалтыг оруулсан нь Үндэсний аюулгүй байдал, улсын тусгаар тогтнол, бүрэн эрхт байдал, Монгол Улсын хүн амын удмын санд ноцтой аюул заналхийлсэн заалт гэж иргэд үзэж, эсэргүүцлээ илэрхийлэн хуулийн төслийг унагаж чадсан.

Гэвч шүүмжлэх шүүмжлэхдээ хүний зургийг уландаа гишгэтлээ ухамсар сэтгэхүйгээ гээж байгаа нь хамгийн харамсалтай байна.

А.Сүх