Маргаашийн чуулганы нэгдсэн хуралдаанаар Монгол Улсын 2022 оны нэгдсэн төсвийг хэлэлцэнэ. Одоогоор Засгийн газраа өргөн мэдүүлсэн төсвийн төсөлд ажиллах ажлын хэсэг гарган ажиллуулж байгаа бөгөөд төсвийг хуулийн хугацаанд нь багтаж батлахаа МАН-ын бүлгийн дарга Д.Тогтохсүрэн мэдэгдээд буй. 

Ирэх онд шинээр хоёр яам байгуулна.

Тодруулбал, Хөгжлийн яам, Цахим хөгжил, харилцаа холбооны яам байгуулахаар төсөвт тусгажээ. Эдгээр яамдад 2900 гаруй алба хаагч ажиллана. Өөрөөр хэлбэл, төрийн захиргааны алба хаагчдын тоо ийм хэмжээгээр нэмэгдэнэ гэсэн үг юм.

Мөн 2022 оны төсвийн төсөлд тусгагдсан чухал зүйл нь гишүүдийн тойрогтоо зарцуулах мөнгө. Ирэх онд гишүүд тойрогтоо тус бүр дөрвөн тэрбум төгрөг зарцуулах аж.

Б.Лхам