Засгийн газрын хуралдаанаас гарсан шийдвэрийн талаар хийлээ.

Өчигдөр Ерөнхий сайд Л.Оюун-Эрдэнэ Хятадын Төрийн зөвлөлийн даргатай цахимаар уулзсан. Уулзалтын талаар Б.Жавхлан “Уулзалтын үеэр улс төр, худалдаа, эдийн засаг болон Монгол, Хятадын иж бүрэн харилцааг өргөжүүлэхээр боллоо. Мөн нүүрсний экспортын хэмжээг нэмэгдүүлэхээр ярилаа.

Энэ хүрээнд Гашуунсухайт, Ганц мод, Шивээхүрэн зэрэг боомтын төмөр замын ажлыг идэвхжүүлэхээр болсон.

Ерөнхий сайд нар Монгол, БНХАУ, ОХУ-ын эдийн засгийн коридор байгуулахаа нотоллоо. Түүнчлэн хоёр талын тааламжтай үед биечлэн уулзахаар боллоо.

Мөн БНХАУ-ын талаас худалдаад авчихсан нүүрс хилийн наана гацсан байгаа. Тиймээс үүнийг нэн түрүүнд гаргаж өгөх асуудлыг БНХАУ-ын талд тавьж байна.

Үүнтэй холбогдуулан чингэлэг тээврийн терминалыг байгуулсан.

Эхний ээлжинд БНХАУ-аас худалдаад авчихсан нүүрсийг гаргах бөгөөд энэ жилийн хувьд экспортын төлөвлөгөөн дээр томоохон цохилт авна. Энэ бол зайлшгүй нүүр тулах хүндрэл болчихоод байна.

Хилийн солбилцлын цэгийн асуудлыг шийдвэрлэсэн. Нарийн царигийг оруулж ирнэ. Өргөн царигаа хилтэй тулгаад ачаагаа шилжүүлээд явна гэдгээ олон жилийн өмнө тохиролцсон. Ирэх оны долдугаар сард төмөр замын бүтээн байгуулалт дуусна" гэлээ.

А.Сүх