Засгийн газрын хуралдаанаас гарсан шийдвэрийн талаар УУХҮ-ийн сайд Г.Ёндон танилцууллаа.

Тэрбээр "Монгол, Хятадын Ерөнхий сайд нарын цахим уулзалтын мөрөөр болж байгаа гэж хэлж болох эрдэс баялаг, эрчим хүч, дэд бүтэц салбарт Монгол, Хятадын хамтарсан зөвлөл 2014 онд байгуулагдсан. 2017 онд  хоёр дахь уулзалтаа хийгээд түнээс дахиж хуралдаагүй. Үүний гурав дахь зөвлөгөөн энэ сарын 15-нд болох гэж байна.

Энэ үеэр баримтлах бодлогыг өнөөдрийн хуралдаанаар хэлэлцлээ.

Уг зөвлөл нь манай улсын гол гол зорилт, хөтөлбөрүүдтэй уялдаатай төслүүдийн талаар Хятад улстай хамтран ажиллах ямар болож байгаа талаар ярилцах, зөвшилцөх уулзалт юм. Урьдчилсан байдлаар уг зөвлөлд хэлэлцэх асуудалд өчигдөр хоёр улсын Ерөнхий сайд нарын цахим уулзалтаар яригдсан хөтөлбөрүүд яригдана. Тухайлбал, Улаанбаатр хотыг тойрсон хурдны автозамын төсөл, баганан тулгуурт автобусын замбуюу хөнгөн галт тэрэг, сэргээгдэх эрчим хүч үйлдвэрлэж экспортод гаргах цогцолбор байгуулах, Алтанбулаг- Замын-Үүдийг чиглэлийн хурдны автозам, замын ложистикийн төвүүд, мөн Монгол Улсын нутаг дэвсгэрээр дамжих өнгөрөх хийн хоолойн бүтээн байгуулалтын ажил зэрэг төслүүд байна.

Эдгээрийг төр, хувийн хэвшлийн хамтарсан хэлбэрээр харилцан ашигтай байхаар хамтарч ажиллахад дэмжлэг үзүүлэхээ илэрхийлсэн.

Мөн нүүрсний эспортын асуудал яригдсан. Манай улс Хятад улсын нүүрсний импортын 40 гаруй хувийг бүрдүүлдэг. Гэвч цар тахлын нөхцөл байдалтай учлдуулан байр сууриа алдаад байгаа. Үүнтэй холбоотой асуудлаар ярилцсан. Хоёр улсын ААН-үүдийн хооронд харилцан ашигтай гэрээ хэлэлцээрийн хүрээнд энэ асуудлыг шийдэх талар нээлттэй ярилцсан. Үүнийг үргэлжлүүлэн хамтарсан зөвлөлөөр ярина. Хоёрдугаарт, чингэлэг терминалын асуудал яригдсан" гэлээ.

Түүнчлэн Засгийн газрын хуралдаанаар байгалийн баялгаас олсон ашгийг иргэдэд хуваарилах хуулийн төслийг өргөн барихаар болжээ.

А.Сүх