Өнөөдрийн Засгийн газрын хуралдаанаар "Тавантолгой түлш" ХХК-ийн эзэмшлийн асуудлыг шийдвэрлэжээ.

Энэ талаар "Эрдэнэс Тавантолгой" ХК-ийн гүйцэтгэх захирал Б.Ганхуяг "Эрдэнэс Тавантолгой" ХК 2018 оноос хойш нийгмийн хариуцлагын хүрээнд "Тавантолгой түлш" ХХК-г санхүүжүүлж ирсэн. Учир нь Улаанбаатар хотын утааг бууруулах, хүн амын эрүүл мэнд зэрэг ажилд өөрийн хувь нэмрээ оруулж ирсэн. Харин өнөөдрийг хүртэлх хугацаанд "Тавантолгой түлш" ХХК-ийн хувь эзэмшлийн асуудал тодорхой явж ирсэн.

Тус компани нийгмийн хариуцлага, хандив, иргэдийг тав тухтай дулаан байх, Улаанбаатар хотын агаар орчны бохирдлыг багасгах зэрэг нийгмийн хариуцлагын чиглэлээр түлхүү ажиллаж ирсэн бол одоо "Эрдэнэс Тавантолгой" ХК-д шилжиж ирснээр бизнесийн зарчим руугаа орно.

Өөрөөр хэлбэл, орлого олох, Улаанбаатараас гадна бусад орон нутагт шаардлагатай төсвийг бизнесийн үр ашигтай нийлүүлэх цаашлаад дэлхийн түлш үйлдвэрлэх боломжийг эрэлхийлэх хүрээнд "Эрдэнэс Тавантолгой" ХК бизнесийн зарчмаар авч байгаа гэж ойлгож байна.

Бид 14 хоногийн хугацаанд "Тавантолгой Түлш" компанийн таван жилийн бизнес төлөвлөгөөг боловсруулж, Засгийн газар болон холбогдох яамдуудад танилцуулах чиг үүрэг авсан. 

Тавантолгойн орд болон бусад ордуудын нүүрсийг дахин боловсруулах, эцсийн бүтээгдэхүүн болгох, өндөр үнэ бүхий чанартай бүтээгдэхүүн болгоход судалгааны ажлыг хийсэн" гэлээ.

Б.Лхам