Монгол Улсын аварга П.Бүрэнтөгс өнөөдөр өөрийн санаачилсан “Бүрэн монгол гэр” төслийг нийтэд танилцууллаа. П.Бүрэнтөгс аварга “Бүрэн монгол” санг зургадугаар сард үүсгэн байгуулж, нийгмийн идэвхи санаачилгатай 14 хүний бүрэлдэхүүнтэйгээр ажлаа явуулж байгаа билээ. Энэхүү сан нь олон төсөл хэрэгжүүлж ирсэн.

Тухайлбал, Увс аймагт нэн шаардлагатай эмнэлэгийн тоног төхөөрөмж хандивласнаар сайн үйлсийн аян нь эхэлж байв.

Харин өдгөө “Бүрэн монгол гэр” нэртэйгээр сайн үйлсийн аянаа үргэлжилж, 21 аймагт идэвхи зүтгэлтэй, хөдөлмөрч хичээнгүй залуусыг сонгон шалгаруулж, 21 гэрийг бэлэглэхээр болжээ. Аварга П.Бүрэнтөгс “монголчууд эв нэгдэлтэй байж хөгжинө” гэдгийг онцолж хэлэв. Аймаг бүрт нутгийн брендүүдийг сурталчлах тал дээр ажил эхлүүлж байгаа аж.

Б.Жаргал