Өнөөдөр УИХ дахь АН-ын бүлгийн дарга Д.Ганбат УИХ-ын гишүүн Ц.Тувааныг хөөсөн шийдвэр гаргаснаа мэдэгдсэн. Тэгвэл уг асуудлаар УИХ-ын гишүүн Ц.Туваан тайлбар өглөө.

Тэрбээр "Намыг санаатайгаар бутралтай харагдуулах гэсэн хэсэг хүмүүс байдаг. Намын бүх гишүүд нэг талдаа байгаа. Нөхцөл байдлыг шийдвэрлэхээр манай нам арваннэгдүгээр сарын 15-нд Их хурлаа хийнэ. Харин намын Их хурлыг хуралдуулахгүй байх хүсэл сонирхолтой хүмүүс байна. АН-аас хөөгөөд байгаа талд угаасаа байхгүй байхад хөөх шийдвэр гаргасан байна. Энэ нь нэг биш удаагийн тохиолдол. 3, 4 удаа намаас хөөсөн гэх үгийг сонсож байна.

Хамгийн сүүлд З.Энболд дарга бид хоёрыг хөөсөн гэж сонссон. Бүлгийн хурлын шийдвэрийг бүлгийн гишүүд олонхоороо шийдэхээс бүлгийн дарга дангаар шийдэхгүй" гэлээ.

А.Сүх