Архангай аймгийн нутаг дэвсгэрт “10 настай эрэгтэй хүүхэд буудуулж нас барсан” гэх дуудлага мэдээллийг өчигдөр өдрийн 22.55 цагт цагдаагийн байгууллага хүлээн авчээ.
Уг мэдээллийн дагуу хэргийн газар очиж шалгахад амь хохирогч 10 настай эрэгтэй Х гэгчийг түүний төрөл садангийн 38 настай эрэгтэй Д гэгч нь сум алдаж амь насыг нь хохироосон байж болзошгүй нөхцөл байдал урьдчилсан байдлаар тогтоогдсон байна. Холбогдох шалгалтын ажиллагааг Архангай аймаг дахь цагдаагийн газар үргэлжлүүлэн явуулж байна.