УИХ-ын 18, 28 дугаар тойргийн нөхөн сонгуулийн нэмэлт санал хураалт дууслаа. 22.00 цагийн байдлаар Сонгинохайрхан дүүрэгт МАН-аас нэр дэвшсэн Э.Батшугар 24448 санал авч тэргүүлжээ. Түүнтэй хамт нэр дэвшсэн Б.Найдалаа 7188, Э.Бат-Үүл 6029, А.Отгонбаатар 4222, Ш.Гантулга 3696, Х.Бат-Ялалт 2481, Ц.Гантулга 1684, Л.Цог 265, Ш.Төмөрсүх 140, А.Батдорж 123 санал авчээ.

Түүнчлэн Хэнтий аймагт мөн МАН-аас нэр дэвшсэн Ц.Идэрбат нар 15943 саналаар тэргүүлсэн байна. Харин Б.Гарамгайбаатар 4322, М.Чингисхаан 730, А.Бархүү 364, Д.Баатаржав 233, Д.Чулуунбат 198 санал авчээ.

Нэмэлт санал хураалтаар сонгуулийн ирц хүрэх эсэхээс үл хамааран хамгийн өндөр санал авсан нэр дэвшигч сонгогдох юм.

Энэ тухай Монгол Улсын Их Хурлын сонгуулийн тухай хуулийн 78 дугаар зүйлийн 78.5-д "Нэмэлт санал хураалтад орсон нэр дэвшигчдээс хамгийн олон санал авсан, үлдсэн мандатын тоотой тэнцүү тооны нэр дэвшигчийг Улсын Их Хурлын гишүүнээр сонгогдсонд тооцно." гэж заасан байдаг.

Нөхөн сонгуулийн нэмэлт санал хураалтын бүх саналын хуудсыг эхний санал хураалтын нэгэн адил нам, эвсэл, нэр дэвшигчдийн ажиглагчдыг байлцуулан 100 хувь гараар тоолж, хяналтын тооллого явуулна.

А.Сүх