АН-ын бүлгийн дарга Д.Ганбат өнгөрсөн долоо хоногт УИХ-ын гишүүн С.Ганбаатар, Н.Алтанхуяг нарыг бүлгээсээ хассан шийдвэр гаргасан. Тэгвэл өнөөдөр АН-ын бүлгийн хуралдаанд тэрбээр оролцсон юм. Түүнээс бүлгийн хуралд ямар байр суурьтай оролцдог талаар асуухад “Бэлчээрээрээ зарагдсан гэдэг шиг миний хуучин байсан нам эрх баригчтай нийлсэн. Ерөнхийлөгчийн сонгуульд энэ маш том нөлөө үзүүлсэн.
Юу гэвэл, хэвлэлээр зөндөө гарсан. Хувь хүнийхээ хувьд эрх баригчидтай нийлнэ гэдэг сүнсээ худалдсантай адилхан гэж байр сууриа илэрхийлж байсан.
Гудманд хоёр тамгатай, эрх баригчдын тоглоом болсон АН-тай нийлнэ гэдэг ардчилалд хайртай, сөрөг хүчний дуу хоолой хүчтэй байх ёстой гэж итгэдэг олон хүний байр суурийг дэмжиж энэ бүлэгт санаа бодлоо илэрхийлэн зүтгэж байгаа.
Үүсээд байгаа нөхцөл байдалтай холбогдуулан хэлэхэд албан тушаалаас болж “би л үхчихээгүй бол бусдыг нь бүгдийг нь ална” гэдэг арчаагүй байдлыг хараад гайхаж байгаа” гэлээ.
А.Сүх
