Ерөнхийлөгч асан Ц.Элбэгдорж өөрийн цахим хуудастаа "Намайг гүтгэсэн, доромжилсон, гутаах гэсэнтэй би заргалдах биш. Шүүх цагдаад ч өгдөггүй. Өөрсдийнхөө эвдэрснээр л над руу дайрах юм. Хулгай, худал, даабл стандартаа нуух гэхээр зарим нь ингэдэг. Монголд хайртай нь биш, халтай нь намайг хараадаг. Цаг хугацаа харуулна" хэмээжээ. 

Одоогоос сар гаруйгийн өмнө Улсын ерөнхий прокурорын газрын Олон нийттэй харилцах албанаас "Ерөнхийлөгч асан Х.Баттулгын томилсон прокурор Ц.Элбэгдоржийг яллах хүсэлгүй байгаа нь тодорхой боллоо. Түүнийг Эрдэнэт үйлдвэрийн 49 хувийн хувьцаатай холбоотой хэрэгт яллагдагчаар татан шалгаж байгаа бөгөөд хэргийг хэрэгсэхгүй болгоогүй" гэж мэдэгдэж байсан юм.