УИХ-ын гишүүн асан, дуучин С.Жавхлан нарын төв талбайд хийж байгаа суулт дөрөв дэх өдрөө үргэлжилж байна. Тэрбээр Засгийн газар, УИХ-ыг тарахыг шаардаж, Ерөнхийлөгчийг ажлаа хийхийг шаардаж суулт хийж байгаагаа мэдэгдсэн.

Түүнийг суулт хийж байгаатай холбогдуулан цахим сүлжээгээр янз бүрийн “хар” буй. Тодруулбал, хэн нэгний “захиалгатай” гэх. Гэвч энэ талаар тэрбээр “Би дуугаа дуулаад хангалттай хэмцжээнд амьдралаа аваад явчих чадалтай хүн. Төрийн ордонд сууж байгаа хүмүүс С.Жавхлан хамаг булхайг нь мэдэж байгаа болохоор айж байна. Шалтгаан нь гол цэг дээр нь дарсан учраас тэр. Тэдэнтэй дөрвөн жил хамт сууж хамаг булхайг нь мэдсэн. Намайг харлуулах асар их юм явна. Гэхдээ троллуудад хэлэх юм үгүй болсон байх гэж бодож байна” хэмээн тайлбарласан.

Тэгвэл Сангийн сайд Б.Жавхлан түүнийг дөрвөн тэрбум төгрөг өгөхийг шаардахад нь боломжгүй гэсэн учраас бухимдан суулт зарлаж байгаа тухай хэвлэлд онцолжээ.

Тодруулбал, тэрбээр “Орон дааяр урлаг, уран сайханы тоглолт хийхэд зориулж Засгийн газрын хамтран ажиллаж дөрвөн тэрбумаар санхүүжүүлэхийг хүссэн” гэжээ. Түүний хүсэлтийг зөвшөөрөөгүй учраас бухимдсан хэмээн тайлбарласан байна.

А.Сүх