Төрийн албаны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна.
Хуулийн төсөл санаачлагч УИХ-ын гишүүн Л.Мөнхбаатар дараах тайлбарыг өлөө. Тэрбээр “Улс төрийн ёс зүйн код нь улс төрийн өндөр албан тушаалтнаас бусад эрх мэдэлтэнтэй харьцуулахад илүү өндөр стандартыг шаарддаг. Иймээс улс төрийн албан тушаалтанд тодорхой шалгуурыг нэмж тавих нь зүйтэй. Учир нь сүүлийн 30-аад жил шалгуургүй явж ирсэн.
Төрийн жинхэнэ албан хаагчдад өндөр шалгуур тавьдаг. Тухайлбал, яамны Төрийн нарийн бичгийн даргад 16 жил ажилласан байх, үүний найман жил нь газрын даргаар ажилласан байх шалгуур тавьдаг. Гэтэл сайд, дэд сайд төрийн албанд нэг өдөр ч ажиллаагүй хүн томилогдоод очиж байна.
Улмаар мэргэжлийн салбарыг тухайн салбарт ажиллаж байгаагүй хүн очиж удирдахаар бэрхшээл гардаг. Үүнээс үүдэж иргэд олон нийтийн төрд итгэх итгэл алдагдаад байна. Тиймээс улс төрийн албан тушаалтанд тавих шалгуурыг өндөрсгөж байгаа.
Тухайлбал, Засгийн газар, сайд, дэд сайд, засаг дарга, түүний орлогч нарт тодорхой шалгуур тавина.
Тухайн салбарынхаа албан тушаалын чиг үүрэгт тохирсон мэргэжилтэй байх эсвэл энэ чиглэлээр мэргэшсэн эрдмийн зэрэг, цолтой байх. Мөн тухайн салбартаа 4-өөс доошгүй ажил ажилласан туршлагатай байх, төрийн албанд 4-өөс доошгүй байх гэсэн тусгай шаардлагыг сайд, дэд сайд нарт тавина. Харин засаг дарга болон орлогч нарт орон нутагтаа 2-оос доошгүй жил оршин суусан байх, хуульд өөрөөр заагаагүй бол 3-аас доошгүй жил төрийн алба хашсан байх болон бусад шаардлагуудыг тавина” гэлээ.
Б.Лхам
Сэтгэгдэл (11)