ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү УИХ-ын гишүүн асан С.Жавхлан мэдүүлэг өгсөн эсэх асуудлаар мэдээлэл өглөө.

Тэрбээр “Иргэн О.Отгонтөгс дуучин С.Жавхланг “Хамаг Монгол” төсөл хэрэгжүүлнэ гэж дөрвөн тэрбум төгрөг шантаажилсан гэх гэмт хэргийн мэдээллийг олон нийтэд хүргэсэн. Үүний дагуу аравдугаар сарын 20-ны өдөр иргэн И.Отгонтөгс цагдаагийн байгууллагад ирж гомдол гаргасан. Үүнийг цагдаагийн байгууллага хуулийн дагуу хүлээж аваад апрокурорын байгууллагаас Эрүүгийн цагдаагийн алба руу шилжүүлэх харьяалал тогтоосон.

Эрүүгийн цагдаагийн албанаас уг гомдлын дагуу Сангийн сайд Б.Жавхлан болон гурван гэрчээс мэдүүлэг авсан.

Улмаар энэ сарын 20, 21-ний өдрүүдэд дуучин С.Жавхлан руу 11 удаа залгасан ч утсаа аваагүй. Энэ сарын 20, 21-ний өдөр мөрдөгчийн дуудах хуудас өгсөн. Тэр ирээгүй. Өнөөдөр прокурорын байгууллагын дуудас хуудсыг өгсөн. Мөн хүлээж авсангүй. Хууль шүүхийн өмнө хүн бүр тэгш байх ёстой.

Олон нийтийн мэдээллийн хэрэгслээр явсан гэмт хэргийн шинжтэй асуудал бодитой эсэхийг дуудаж, мэдүүлэг авах гэхээр ирэхгүй, утсаа авахгүй байгаа. Мөрдөгч, прокурорын дуудас хуудсыг хүлээн авсангүй. Одоо үлдсэн арга хэмжээ нь шүүхийн захирамжаар албадан ирүүлэх юм" гэлээ.

А.Сүх