Үндэсний хөрөнгө оруулалтын банк, Нийгмийн даатгалын сантай холбогдуулж хотын дарга Д.Сумъяабазар, түүний дүү сүмогийн аварга Д.Дагвадорж нарыг Авилгатай тэмцэх газраас шалгаж эхэлжээ гэсэн мэдээлэл өнөөдөр цахим орчинд нэлээд түглээ. Энэ мэдээллийг түгээхдээ зарим хэвлэл мэдээллийн хэрэгслээр тавдугаар сард гарч байсан мэдээллийг эш үндэс болгон цахимаар түгээж байгаа нь харагдаж байсан юм. Тэгвэл АТГ-ын Хэвлэлийн ажилтан Т.Мөнхтунгалагтай холбогдон дээрх мэдээллийн талаар тодрууллаа.

-Үндэсний хөрөнгө оруулалтын банктай холбоотой гомдол, мэдээлэл танай байгууллагад ирсэн үү? Үүнтэй холбогдуулан Д.Сумъяабазар, Д.Дагвадорж нарыг АТГ шалгаж эхэллээ гэсэн мэдээлэл цахим орчноор өнөөдөр чамгүй түглээ?
-Ташаа мэдээлэл, ийм гомдол, ийм хэрэг манай дээр огт шалгагдаагүй, ирээгүй. Үндэслэлгүй мэдээлэл байна.
-Тэгвэл өнгөрсөн тавдугаар сард ҮХОБ-тай холбоотойгоор эдгээр хүмүүсийг шалгаж байсан юм уу, тэр мэдээлэл нь одоо ил гарч байгаа юм болов уу?
-Огт тийм хэрэг шалгагдаагүй, ташаа мэдээлэл байна.

С.Сүлд