Манай урд хөршийн нийслэл Бээжин хотод 13 жилийн тэртээ боксын төрөлд Э.Бадар-Ууган алт, П.Сэрдамба мөнгөн медаль хүртэж байв. Олон түмэн бүгд баярласан. Тэд энэ гавьяаны эзэд яах аргагүй мөн. Гэхдээ тэднийг энэ алдарт хүргэсэн эрхэм бол Ардын багш, гавьяат дасгалжуулагч Дамдинжавын Банди агсан юм. Түүний удирдлага дор бэлтгэл сургуулилт хийсэн шавь нараас анх олимпын аварга, дэлхийн аварга төрөн гарсан. Д.Банди агсны гавьяа зүтгэлийг мөнхжүүлэх үүднээс түүний төрөлх нутаг Булган аймагт сүндэрлүүлжээ. Тэр энэ спортоор 41 жил тууштай хөдөлмөрлөхдөө 1200 гаруй спортын цол зэрэгтэй тамирчин бэлтгэн гаргасан нэрт дасгалжуулагч байлаа. Д.Бандийн гэрэлт хөшөөний нээлтэнд Монголын боксын холбооны төлөөлө, Булган аймгийн Засаг дарга Б.Ариун-Эрдэнэ, ДАШТ-ий мөнгөн медальт, гавьяат тамирчин Т.Үйтүмэн, олимп, дэлхийн хүрэл медальт, гавьяат тамирчин Д.Отгондалай, гавьяат дасгалжуулагч Ц.Нандигжав, Д.Батсүрэн болон Д.Банди агсны гэр бүл дотны хүмүүс хүрэлцэн иржээ.
Б.Жаргал
Сэтгэгдэл (2)