Монгол Улсаас Канад улсад суугаа Бүрэн эрхт Элчин сайд Я.Ариунболд Кэбэк мужийн Монреаль хотноо байрлах Мак Гиллийн их сургуулийн Олон улсын хамтын ажиллагаа хариуцсан захирал Брайн Бауэртэй уулзжээ. Уулзалтаар оюутан солилцох, хамтарсан судалгаа хийх, сургалтын тэтгэлэг олгох, англи хэлний дадлагажигч багш Монгол Улсад илгээн ажиллуулах боломжийн талаар санал солилцсон байна. Мөн Элчин сайд Я.Ариунболд хэд хоногийн өмнө Онтарио мужийн жүдо бөхийн холбооны ерөнхийлөгчтэй уулзаж, жүдо бөхийн дасгалжуулагч, тамирчин харилцан солилцох асуудлаар санал солилцжээ. Түүнчлэн Торонто хотод монгол иргэдэд зориулсан жүдогийн сургалтын хөтөлбөр хамтран эхлүүлэх талаар судлахаар тогтлоо. 

Б.Жаргал