УИХ-ын чуулганы нэгдсэн хуралдаан эхэллээ. Чуулганы хуралдаанаар Монгол-Оросын хувь нийлүүлсэн Улаанбаатар төмөр зам нийгэмлэгийн талаар авах зарим арга хэмжээний тухай УИХ-ын тогтоолын төслийг хэлэлцэж байна.
Энэ үеэр УИХ-ын гишүүн Н.Алтанхуяг “Төмөр замын асуудлаар УИХ-аас ажлын хэсэг байгуулах горимын санал байна. Төмөрзам цаашид хэрхэн оршин тогтох юм. Вагонтойгоо ноцолдоод суух юм уу, дэд бүтэцээ өмчлөөд, үүн рүү бизнесийн байгууллагаа оруулаад менежмент хийх юм уу. Монгол-Оросын хамтарсан нэртэй хамгийн дампуу байгууллага энд байна. Бид зээлийг нь төлөөд эд нар олигтой ажиллаж чадахгүй. Энэ байдлаараа. Дөрөв дэх хүнийхээ нэрийг дэвшүүлээд даргаа тавьж чадахгүй, арчаагүй царайлаад сууж байна. Монгол шившиг болж байна" хэмээн хэлэв.
Б.Жаргал
Сэтгэгдэл (5)