Төрийн ордонд өнөөдөр эрхэлсэн ажилдаа үр бүтээлтэй ажилласан зарим хүнийг шагнаж урамшууллаа. Шагнал гардан авсан үй олны дундаас Тохижилт үйлчилгээний компанийн ажилтан Н.Батмөнх “Алтан гадас” одонгоор шагнуулсаны дараа түүнд олон хүн сайшаал хүртээв. Аргагүй юм. Тэр үүрийн гэгээнээс үдшийн бүрийн болтол нийслэлчүүдийг цэвэр цэмцгэр орчинд ая тухтай амьдарах орчиноор хангах гэж борви тэнийх завгүй зүтгэсэн эгэл нэгэн билээ. Шагнал нүдээ олох хамгийн сайхан нь энэ. Түүнийг төр, түмэндээ үнэлүүлээд гарч ирэхэд ТҮК-д хамтран зүтгэж буй хамт олон нь халуун баяр хүргэх нь хүртэл энгийн хэрнээ эгэл санагдав.      

Б.Жаргал