УИХ-ын гишүүн Ч.Ундрам Боловсролын салбар дахь Хүний эрхийн асуудлаар байр сууриа илэрхийллээ. Тэрбээр "Монголын ард түмэн, хууль тогтоогчидоосоо авахуулаад бүгд хүний эрхийн мэдрэмжгүй, хүний эрхийн ойлголтгүй болчихсон байна. Хүний эрхийн асуудлаар хямаралд орсон байна. Энэ нь юугаар батлагдаж байна гэхээр саяын хараат бус хөндлөнгийн хуульчид судлаачдын багийн хийсэн шинжилгээгээр 800 заалт нь хүний эрхийн зөрчилтэй байна гэхээр хүний эрхийн хямаралд орчихсон гэсэн үг.
Хүний эрхийн мэдрэмжгүйгээсээ болоод өнгөрсөн хугацаанд ийм хуулиуд батлаад явсан байна шүү дээ. Тиймээс боловсролын салбараасаа эхлээд хүний эрхийн мэдрэмжтэй, хүний эрхийн ойлголтуудыг өгдөг болох ёстой юм. Боловсролын тухай хууль УИХ-аар хэлэлцэгдээд явж байгаа. Өнгөрсөн хугацаанд гарсан алдаа дутагдал юу байв гэдгийг оношилно. Ингээд харахаар манай боловсролын салбар үнэхээр хүний эрхийн мэдрэмжгүй байгаа юм. Саяхан Боловсролын сайд гоё дээлтэй хүүхэд шалгаруулахаа болъя гээд мэдэгдэл гаргаж байна. Энэ үнэхээр Хүний эрхийн мэдрэмжгүй асуудал. Боловсролын хуулийнхаа зарчмуудыг тодорхойлох ёстой. Хүний эрхийг дээдэлнэ гэдгээр орж өгөх ёстой. Багшийн үүрэг хариуцлага, ёс зүйн асуудлыг энэ хуулинд оруулж өгөх ёстой. Ёс зүйн асуудал Засгийн газраас өргөн барьсан Боловсролын багц хуулинд "Ёс зүйн" гэдэг үг байхгүй шүү.
Б.Жаргал
Сэтгэгдэл (16)