Шведийн Идред хотод Олон улсын биатлоны холбооны "IBU Cup" тэмцээн болж байна. Өчигдөр тэмцээний эрэгтэйчүүдийн 10 км болон эмэгтэйчүүдийн 7.5 км-ын спринт уралдаан болов. Манай улсаас энэ тэмцээнд зургаан тамирчин хурдаа сорьсоноос хамгийн өндөр амжилтыг ОУХМ Энхбатын Энхсайхан үзүүлжээ. Тэрбээр хэвтээ болон босоо буудалтад тус бүр нэг сумаа алдснаар түрүүлсэн Германы Лукас Фрацшерээс 2:57.9 хоцорч, 134 тамирчнаас 75 дугаар байрт орсон юм. Тэр ард 59 тамирчин орхижээ. "IBU Cup" маргааш спринт, нөгөөдөр хөөх уралдаанаар үргэлжилнэ. Монголын бусад биатлончдын эзэлсэн байрыг танилцуулахад эрэгтэйчүүдийн ангилалд 134 тамирчин өрсөлдөхөд Цэрэн-Очирын Адъяажаргал 103, Отгондаваагийн Гантулга 119, эмэгтэйчүүдэд 117 тамирчин уралдахад Мөнхбатын Должинсүрэн 105, Энхбаярын Ариунтунгалаг 111, Төмөрийн Ариунболд 115 дугаар байрт хурдалжээ.
Сэтгэгдэл (1)