Арванэгдүгээр сарын 26. Энэ өдөр Монгол Улс  97 жилийн тэртээ Улсын Анхдугаар Их Хурлын арван дөрөвдүгээр тогтоолоор Анхдугаар Үндсэн хуулиа баталж байв. Монголчуудын хувьд түүхэн тэмдэглэлт баярын өдөр. Энэ баярын өдрийн талаар УИХ-ын дарга асан З.Энхболд өөрийн байр сууриа цахим хаягтаа ийн бичиж үлдээжээ. Тэрбээр "Өнөөдөр улс тунхагласан өдөр биш. Монгол нутагт төрт улс үүсээд 2000 гаруй жил, Их Монгол улс болоод 815 жил, хаант төрөөс бүгд найрамдах төрийн хэлбэрт шилжиж анхны Үндсэн хуулиа батлаад 97 жилийн ой. 1992.01.13 Ардчилсан Үндсэн хуулиа баталж социалист төрийн хэлбэрээс татгалзсан. Нийгмийн 1 байгууллаас нөгөөд шилжсэн өдрөөрөө амардаг тэмдэглэдэг бол 1992.01.13 өдрийг ялгаагүй л тэмдэглэмээр байгаа юм. УИХ л ганцаараа шахуу тэмдэглэдэг дээ. Монгол нутагт төрт улс үүссэнийг Хүннүгийн Модун Шанью хаан болсон МЭӨ 209 он (манай эриний өмнөх) гэвэл нийт 2230 жилийн 2133-т нь хаант засагтай явж. Төрт улсынхаа түүхийн сүүлийн 97-хон жил (4.5%) товойлгон тэмдэглэх нь буруу" гэв. 

Б.Жаргал