Улс тунхагласны өдөрт зориулсан хүчит 128 бөхийн барилдаан өчигдөр Монгол бөхийн өргөөнд болов. Энэ барилдаанд Сэлэнгэ аймгийн Цагааннуур сумын харьяат, улсын харцага Б.Орхонбаяр түрүүлж, харцага Б.Бат-Өлзий үзүүрлэв. Отгон харцага Б.Орхонбаярын бэлтгэл сайн байна. Тэр нэгийн даваанд аймгийн начин Г.Бат-Эрдэнэ, хоёрын даваанд аймгийн заан М.Тэгшбаяр, гурвын даваанд аймгийн хурц арслан Ө.Батзул, дөрвийн даваанд улсын харцага Ш.Пүрэвгарьд, тавын даваанд улсын начин Ц.Сандагдорж, зургаагийн даваанд улсын харцага О.Хангай, долоогийн даваан улсын харцага Б.Бат-Өлзийг давсан юм. Энэ барилдааны дараа үзүүрлэсэн харцага Б.Бат-Өлзий "Б.Орхонбаярт 2:0-дүүлчихлээ. Дараагийн барилдаанд О.Хангай шиг амалж аваад даагаа нэхнэ дээ. Б.Орхонбаярын хоёр гар цавуу шиг юм аа" хэмээн хэлэв. Та гурвын даваанд амлах уу гэхэд "тэгнэ" хэмээн хариулав. Дараагийн улс, аймгийн алдар цолтой бөхийн барилдаан ирэх сарын 6-нд болох билээ. 

Б.Жаргал