Мэргэжлийн сүмо бөхийн Кюүшюү башё 14 дэх өдрөө болж, өнөөдөр дээд зиндааны түрүү бөх тодорлоо. Башёг тэргүүлэгч ёкозүна Тэрүнофүжи Г.Ган-Эрдэнэ энэ өдөр цагтаа комүсүби цолтой барилдаж байсан Абиг давснаар тэмцээн өндөрлөхөөс нэг өдрийн өмнө түрүүлэх болзолоо хангалаа. Тэр 61 жилийн дараа ёкозүна цол хүртсэнийхээ дараа хоёр башё дараалан түрүүлсэн Тайхо аваргын амжилтыг давтаж байна. Тэрүнофүжи Г.Ган-Эрдэнэ японы эзэн хааны цомыг зургаа дахиа өөрийн болгож байна. Мөн монгол сүмочдын дээд зиндааны 93 дахь түрүүг авах болов. Тэрүнофүжи зургаа түрүүлснээр 71 дэх ёкозүна М.Анандын амжилттай зэрэгцлээ. Энэ өдөр дээд зиндаанд барилдсан бусад монгол бөхчүүдээс хоёр нь давж, гурав нь уналаа. Чиёошома Г.Мөнхсайхан (8:6), Хошорюү С.Бямбасүрэн (6:8) нар давсан бол Тамаваши Б.Мөнх-Оргил (9:5), Ичиножо А.Ичинноров  (5:9), Кирибаяма Б.Лхагвасүрэн (5:9) нар унасан юм. 

Дээд зиндаанд түрүүлсэн монгол бөхчүүд: 

1.Хакүхо М.Даваажарга 45

2.Асашёорюү Д.Дагвадорж 25

3.Харүмафүжи Д.Бямбадорж 9

4.Какирюү М.Ананд 6

5.Тэрүнофүжи Г.Ган-Эрдэнэ 6

6.Кёкүтеэнхо Н.Цэвэгням 1

7.Тамаваши Б.Мөнх-Оргил 1

Б.Жаргал